نیوزی لینڈ : سال 2026 کا آغاز، آکلینڈ میں شاندار آتشبازی کا مظاہرہ

آکلینڈ: الوداع 2025ء، نیوزی لینڈ میں نئے سال 2026 کا آغاز ہو گیا۔

نئے سال کی آمد پر آکلینڈ جگمگا اٹھا، آکلینڈ میں نئے سال کی آمد پر شاندار آتشبازی کا مظاہرہ کیا گیا۔

واضح رہے کہ دنیا بھر میں سال 2025 اپنے اختتام کو پہنچ رہا ہے اور پاکستان سمیت کئی ممالک میں آج نئے سال کو خوش آمدید کہیں گے۔

جاپان، جنوبی کوریا اور دیگر ایشیائی ممالک میں بھی نئے سال کے موقع پر روایتی رسومات اور تقاریب کا اہتمام کیا جاتا ہے۔

یورپ اور مشرق وسطیٰ میں سال نو کا آغاز نسبتاً بعد میں ہوتا ہے، جبکہ امریکا میں سب سے آخر میں نئے سال کی آمد ہوتی ہے۔

امریکا کے شہر نیویارک میں سال نو کے جشن کی تیاریاں مکمل کر لی گئی ہیں، جہاں ٹائمز سکوائر میں مشہور کرسٹل بال نصب کر دی گئی ہے اور اس کی آزمائش بھی کی جا چکی ہے۔

ہر سال کی طرح اس موقع پر لاکھوں افراد کی شرکت متوقع ہے جبکہ دنیا بھر میں کروڑوں لوگ اس منظر کو ٹیلی وژن اور آن لائن ذرائع سے دیکھتے ہیں۔

ماہرین کے مطابق دنیا میں نئے سال کے آغاز کا یہ فرق عالمی ٹائم زون سسٹم کا نتیجہ ہے، جس کے تحت زمین کو مختلف حصوں میں تقسیم کیا گیا ہے۔