سٹاک مارکیٹ میں تیزی،ہنڈرڈ انڈیکس ایک لاکھ 85 ہزار پوائنٹس عبور کر گیا

کراچی: سٹاک مارکیٹ میں تاریخی تیزی، ہنڈرڈ انڈیکس ایک لاکھ 85 ہزار پوائنٹس عبور کر گیا

کراچی: پاکستان سٹاک ایکسچینج میں کاروباری ہفتے کے دوسرے روز زبردست تیزی دیکھی گئی اور ہنڈرڈ انڈیکس نے ایک بار پھر نئی تاریخی سطح عبور کی۔

کاروبار کے آغاز میں سٹاک مارکیٹ میں 1400 سے زائد پوائنٹس کے اضافے کے ساتھ انڈیکس ایک لاکھ 83 ہزار 834 پوائنٹس تک پہنچ گیا۔ تاہم بعدازاں مارکیٹ میں کچھ وقت کے لیے مندی کا رجحان دیکھا گیا اور انڈیکس ایک لاکھ 81 ہزار 182 پوائنٹس پر آ گیا۔

ٹریڈنگ کے دوران دوبارہ تیزی دیکھنے میں آئی اور 2500 سے زائد پوائنٹس کے اضافے کے ساتھ ہنڈرڈ انڈیکس ایک لاکھ 85 ہزار 50 پوائنٹس کی بلند ترین سطح تک پہنچ گیا۔ گزشتہ کاروباری روز کے اختتام پر ہنڈرڈ انڈیکس 3373 پوائنٹس کے اضافے کے ساتھ ایک لاکھ 82 ہزار 408 پوائنٹس پر بند ہوا تھا۔

دوسری جانب انٹربینک مارکیٹ میں امریکی ڈالر کی قدر میں معمولی کمی دیکھی گئی اور ڈالر 280.10 روپے سے کم ہو کر 280.08 روپے کا ہو گیا۔