ٹی ٹونٹی ورلڈ کپ،ICC کا بنگلہ دیش کیلئے دو متبادل وینیوزکا پلان

انٹرنیشنل کرکٹ کونسل (ICC) نے ٹی 20 ورلڈ کپ 2026 میں بنگلہ دیش کے میچز کے لیے بھارت کے دو ممکنہ وینیوز تجویز کرنے کا پلان تیار کر لیا ہے۔

بھارتی میڈیا کے مطابق ICC رواں ہفتے پیر یا منگل کو بنگلہ دیش کرکٹ بورڈ (BCB) کی درخواست پر جواب دے گا۔ BCB نے سکیورٹی خدشات کے پیش نظر اپنے میچز بھارت کے بجائے سری لنکا میں کرانے کی درخواست کی تھی، لیکن ICC اس درخواست کو قبول کرنے کے موڈ میں نہیں ہے۔

رپورٹس کے مطابق بنگلہ دیش کے گروپ مرحلے کے میچز اس وقت کولکتہ اور ممبئی میں شیڈول ہیں، اور ICC چنئی اور ترواننت پورم کو متبادل وینیوز کے طور پر پیش کرنے پر غور کر رہا ہے۔

بنگلہ دیشی حکومت نے بھی بھارتی حکومت سے سیکیورٹی کے حوالے سے رابطے کی توقع ظاہر کی ہے، اور BCB کا موقف ہے کہ جب تک سکیورٹی کی مکمل یقین دہانی نہیں کرائی جاتی، وہ اپنی ٹیم کو بھارت بھیجنے پر مطمئن نہیں ہوں گے۔