اسپیکر قومی اسمبلی نے اپوزیشن لیڈر کے تقرر کے طریقہ کار کا اعلان کر دیا

اسلام آباد: اسپیکر قومی اسمبلی سردار ایاز صادق نے اپوزیشن لیڈر کے تقرر کے طریقہ کار کا اعلان کر دیا ،اجلاس شروع ہوتے ہی انہوں نے بتایا کہ 13 جنوری کو درخواست جمع کرائیں ، جس پر اپوزیشن ارکان کے دستخط بھی ہوں۔

انہوں نے کہا کہ 14 جنوری کو سہ پہر 3 بجے جانچ پڑال کے بعد قائد حزب اختلاف کے نام کا اعلان کر دیا جائے گا۔ اپوزیشن کے چیف وہپ عامر ڈوگر نے کہا کہ ہم نے محمود اچکزئی کانام بھیج رکھا ہے ،اس پر اسپیکر نے کہا کہ معاملہ عدالت میں تھا اس لیے لیٹ ہوا،اب آپ دوبارہ جمع کرادیں تاکہ پراسیس آگے بڑھ سکے۔