ساف فٹسال چیمپئن شپ: پاکستان نے بھوٹان کو شکست دیدی

بنکاک: تھائی لینڈ میں جاری ساف فٹسال چیمپئن شپ کے مینز ایونٹ میں پاکستان نے بھوٹان کو شکست دے کر انٹرنیشنل فٹسال میں پہلی کامیابی رجسٹر کرلی ہے، پاکستان کے جانب سے عدنان اشفاق نے 2 گول اسکور کیے۔

بنکاک انڈوور اسٹیڈیم میں پاکستان نے بھوٹان کے خلاف 2۔0 کے خسارے سے کم بیک کرتے ہوئے کامیابی اپنے نام کی۔

بھوٹان  کے داوا شیرنگ نے ابتدائی لمحات میں یکے بعددیگرے 2 گول کرکے برتری دلادی تھی، لیکن اس کے بعد پاکستان نے فائٹ بیک کیا۔

28ویں منٹ میں حسن ظفر نے گول کرکے خسارے کو کم اور پھر 32ویں منٹ میں آصف احمد چوہدری نے مقابلہ برابر کردیا، 34 ویں اور 35ویں منٹ میں عدنان اشفاق نے گول اسکور کرکے پاکستان کو 2-4 کی برتری دلادی۔ یہ پاکستان کی فٹسال میں پہلی کامیابی ہے۔

گزشتہ روز پاکستان ویمنز ٹیم نے بھی سری لنکا کو شکست دے کر کامیابی حاصل کی تھی۔مینز ایونٹ میں پاکستان ٹیم اگلا میچ 18 حنوری کو سری لنکا کے خلاف کھیلے گی۔