اسلام آباد ہائیکورٹ نے سی ڈی اے کو 2 فروری تک درختوں کی کٹائی سے روک دیا
January 17, 2026 · قومی
اسلام آباد ہائیکورٹ نے اسلام آباد ڈیویلپمنٹ اتھارٹی (سی ڈی اے) کو 2 فروری تک درختوں کی کٹائی سے روک دیا ہے۔
جسٹس خادم حسین سومرو نے 4 صفحات پر مشتمل تحریری حکم جاری کیا، جس میں کہا گیا کہ سی ڈی اے اور دیگر متعلقہ فریقین 2 فروری تک اسلام آباد میں کوئی درخت نہ کاٹیں۔
سی ڈی اے، وزارت موسمیاتی تبدیلی اور دیگر ماحولیاتی اداروں کو نوٹس جاری کر دیا گیا ہے۔ عدالت نے حکم دیا کہ وزارت موسمیاتی تبدیلی سمیت دیگر فریقین آئندہ سماعت تک تفصیلی جواب جمع کرائیں۔
حکم نامے میں درخواست گزار نے بتایا کہ درختوں کی کٹائی ماحولیاتی تحفظ کے قوانین اور اسلام آباد وائلڈ لائف آرڈیننس کے خلاف کی جا رہی ہے۔ درخواست گزار نے یہ بھی کہا کہ سی ڈی اے نے ابھی تک ہزاروں درخت کاٹنے کی وجہ واضح نہیں کی۔