امریکی کانگریس رکن الہان عمر پر عوامی تقریب میں حملہ

واشنگٹن/منی سوٹا: امریکا کی ڈیموکریٹک رکن کانگریس الہان عمر پر منی سوٹا کے شہر میناپولیس میں ایک ٹاؤن ہال میٹنگ کے دوران بدبودار مائع پھینکنے کا واقعہ پیش آیا۔ یہ حملہ اس وقت ہوا جب الہان عمر خطاب کر رہی تھیں، تاہم انہیں کوئی چوٹ نہیں پہنچی۔

موقع پر موجود سکیورٹی اہلکاروں نے فوری کارروائی کرتے ہوئے مبینہ طور پر ایک سفید فام شخص کو حراست میں لے لیا۔ واقعے کے دوران الہان عمر ہوم لینڈ سکیورٹی کی وزیر کرسٹی نوم سے استعفے یا مواخذے کا مطالبہ کر رہی تھیں۔

امریکی میڈیا کے مطابق کرسٹی نوم اور صدر ڈونلڈ ٹرمپ کے مشیر اسٹیفن ملر پر ایک واقعے سے متعلق گمراہ کن معلومات پھیلانے کے الزامات بھی عائد کیے جا رہے ہیں۔

NEW: This is the moment a man charges at Rep. Ilhan Omar and sprays her with an unknown substance during town hall in Minneapolis. Omar was calling for DHS Sec. Kristi Noem to resign or face impeachment. pic.twitter.com/CsZ9HXsF3a

— Nidia (@NidiaCavazosTV) January 28, 2026

اطلاعات کے مطابق منی سوٹا میں ایک مظاہرے کے دوران پولیس اہلکاروں نے ایک شخص کو ہلاک کیا، جس کے بارے میں ابتدائی طور پر کہا گیا کہ وہ مسلح تھا، لیکن بعد میں یہ بات سامنے آئی کہ متاثرہ شخص غیر مسلح تھا اور فائرنگ سے پہلے اسے قابو میں لے لیا گیا تھا۔

واضح رہے کہ الہان عمر کو ماضی میں بھی صدر ڈونلڈ ٹرمپ کی جانب سے سخت تنقید کا سامنا رہا ہے۔ ان کے والدین صومالیہ سے تعلق رکھتے ہیں اور وہ امریکا میں مسلم کمیونٹی کی نمایاں آواز سمجھی جاتی ہیں۔