بھارتی شہریوں کی غیر قانونی امیگریشن عالمی سیکیورٹی کے لیے سنگین چیلنج

 

واشنگٹن/نئی دہلی: امریکی کسٹمز اینڈ بارڈر پروٹیکشن (CBP) نے انکشاف کیا ہے کہ بھارتی شہریوں کی غیر قانونی امیگریشن میں نمایاں اضافہ ہوا ہے، جو عالمی سیکیورٹی کے لیے ایک سنگین چیلنج بنتا جا رہا ہے۔

امریکی حکام کے جاری کردہ اعداد و شمار کے مطابق سال 2025 میں 23,830 بھارتی شہری غیر قانونی طور پر امریکی سرحد عبور کرتے ہوئے گرفتار کیے گئے، جبکہ 2024 میں یہ تعداد 85,119 تھی۔ امریکی حکام نے بتایا کہ گرفتار ہونے والے بیشتر افراد بہتر روزگار اور زیادہ تنخواہ کے حصول کے لیے غیر قانونی راستوں کا انتخاب کر رہے تھے۔

ماہرین کے مطابق بھارت میں معاشی مشکلات اور ناقص امیگریشن پالیسیوں نے ہزاروں شہریوں کو غیر قانونی ذرائع اختیار کرنے پر مجبور کیا۔ بین الاقوامی مبصرین نے کہا ہے کہ بھارتی اسمگلرز نے زیادہ نگرانی والے راستوں کے بجائے کم استعمال شدہ، خطرناک اور غیر محفوظ راستوں کا انتخاب کیا، جس کے نتیجے میں انسانی جانوں کے ضیاع اور منظم جرائم میں اضافہ ہوا۔

عالمی سیکیورٹی اداروں اور ماہرین نے بھارتی شہریوں کی غیر قانونی امیگریشن، انسانی اسمگلنگ، جعلی ڈگریوں کے نیٹ ورکس اور منظم جرائم کو بین الاقوامی سلامتی کے لیے واضح خطرہ قرار دیا ہے۔ ماہرین کا کہنا ہے کہ بھارت میں بڑھتی ہوئی بے روزگاری اور مایوسی کے باعث یہ رجحان مزید شدت اختیار کر سکتا ہے