مقبوضہ کشمیر میں برفانی تودہ گرنے کے خوفناک مناظر ویڈیو میں قید

 

مقبوضہ جموں و کشمیر کے ضلع گندربل کے علاقے سونمارگ میں برفانی تودہ گرنے کے خوفناک مناظر ویڈیو میں قید ہو گئے ہیں۔

یہ حادثہ منگل کی رات پیش آیا، جب برفانی تودہ رات 10 بج کر 12 منٹ پر پہاڑ سے نیچے گھروں اور ہوٹلوں پر گرا۔

 

سونمرگ، مقبوضہ کشمیر میں برفانی تودے کے مناظر۔ گزشتہ دو مغربی ہواؤں کے نظام کے دوران پورے کشمیر میں شدید برف باری ریکارڈ کی گئی ہے۔ pic.twitter.com/IzWM8oyPok

— Weather Updates PK (@WeatherWupk) January 27, 2026

بھارتی حکام نے بتایا کہ اس بڑے حادثے کے باوجود کسی کے ہلاک یا زخمی ہونے کی اطلاع نہیں ملی ہے۔

 

سی سی ٹی وی فوٹیج میں دیکھا گیا کہ برف انتہائی تیزی سے نیچے کی طرف بڑھتی ہوئی عمارتوں پر آگئی اور انہیں ڈھانپ لیا۔

واقعے کے بعد علاقے میں سیکیورٹی اور ریسکیو ٹیمیں موجود ہیں اور حالات پر نظر رکھی جا رہی ہے تاکہ کسی بھی ممکنہ نقصان سے فوری نمٹا جا سکے۔