دوسرے ٹی 20میں آسٹریلیا کو 90رنزسے شکست۔ 7سال بعدسیریزپاکستان کے نام

 

پاکستان نے دوسرے ٹی 20 میچ میں آسٹریلیا کو 90 رنز کے بھاری مارجن سے شکست دے کر تین میچوں کی سیریز میں 0-2 کی ناقابلِ شکست برتری حاصل کرلی۔
پاکستان نے آسٹریلیا کو 7 سال بعد ٹی ٹوئنٹی سیریز میں شکست دی ہے۔

 

لاہور میں کھیلے گئے میچ میں پاکستان نے ٹاس جیت کر پہلے بیٹنگ کرنے کا فیصلہ کیا۔ قومی ٹیم نے مقررہ 20اوورز میں 5 وکٹوں کے نقصان پر 198رنز بنائے۔
کپتان سلمان علی آغا 76 اور عثمان خان 53 ارنز کے ساتھ نمایاں رہے۔آسٹریلیا کی جانب سے ریویئر بارٹلیٹ، میتھیو کنہیمین، شین ایبٹ، ایڈم زیمپا اور کوپر کونولی نے ایک، ایک وکٹ لی۔

 

ہدف کے تعاقب میں آسٹریلوی ٹیم 16ویں اوور میں 108رنز پر ڈھیر ہوگئی۔ مہمان ٹیم کی جانب سے کیمرون گرین 35 اور میتھیو شارٹ 27 رنز بنا کر نمایاں رہے، اس کے 7بیٹرز دہرے ہندسے میں بھی نہ جاسکے۔

 

آسٹریلیا کی تمام وکٹیں پاکستانی اسپنرز نے لیں۔ شاداب خان اور ابرار احمد 3، 3 عثمان طارق 2 جبکہ صائم ایوب اور محمد نواز ایک، ایک کھلاڑی کو آئوٹ کرنے میں کامیاب ہوئے۔

 

اس فتح کے ساتھ ہی پاکستان نے سیریز میں کامیابی حاصل کرتے ہوئے 0-2 کی ناقابلِ شکست برتری بھی حاصل کرلی۔سلمان آغاکو مین آف دی میچ قراردیاگیا۔

پہلے ٹی ٹوئنٹی میچ میں پاکستان نے 22 رنز سے کامیابی حاصل کی تھی  آخری میچ کل کھیلا جائے گا۔