کابل، قندھار ، پکتیکا پر پاکستانی فوج نے مزید بم باری کی ہے، افغان طالبان کا دعویٰ

افغان طالبان نے ایک بارپھر کابل، قندھار، پکتیا، پکتیکا اور کچھ دیگر علاقوں پر پاکستانی فوج کی طرف سے مزید بم باری کا دعویٰ کیا ہے۔ترجمان ذبیح اللہ مجاہد نے سوشل میڈیاپر کہا ہے کہ بعض مقامات پر شہریوں کے گھربھی اس کی زد میں آئے ہیں، خواتین اور بچے شہید ہوئے، بعض جگہوں پر خالی صحراؤں اور غیر آباد علاقوں کو ہدف بنایا گیا۔

د تیرو تجاوزونو او جنایاتو په دوام یوځل بیا پاکستاني پوځي رژیم په کابل، کندهار، پکتیا، پکتیکااو ځینو نورو برخو کې بمبارد وکړ، په ځینو ځایونو کې یې ملکي کورونه ویشتي چې ښځې او ماشومان یې شهیدان کړل او په ځينو ځایونو کې یې تشې دښتې او خالي ځایونه په نښه کړې دي.
۲/۱

— Zabihullah (..ذبـــــیح الله م ) (@Zabehulah_M33) March 13, 2026

کابل حکومت کے ترجمان کا کہناہے کہ اسلامی امارت اس حملے کی شدید ترین الفاظ میں مذمت کرتی ہے۔

تاحال پاکستان کی جانب سے اس افغان دعوے پر کوئی ردعمل سامنے نہیں آیا، لیکن اسلام آباد متعدد بار کہہ چکا ہے کہ حملوں میں شہری مقامات کو نشانہ نہیں بنایا جاتا۔

اسلام آباد کا مؤقف ہے کہ کابل ایسے جنگجوؤں کو پناہ دیتا ہے جو پاکستان میں حملے کرتے ہیں۔ تاہم طالبان اس الزام کی تردید کرتے ہوئے کہتے ہیں کہ عسکریت پسندی پاکستان کا اندرونی مسئلہ ہے۔