اسحاق ڈار مہمان وزرائے خارجہ کا استقبال کرتے ہوئے فرش پرگرپڑے
تاہم وہ فوراً اٹھ گئے اور تقریب جاری رہی۔ خوش قسمتی سے انہیں کوئی شدید چوٹ نہیں آئی۔
اسلام آباد: پاکستان کے نائب وزیر اعظم اور وزیر خارجہ سینیٹر محمد اسحاق ڈار دفتر خارجہ میں مہمان وزرائے خارجہ کا استقبال کرتے ہوئے فرش پر گر گئے۔ یہ واقعہ اس وقت پیش آیا جب سعودی عرب، ترکی اور مصر کے وزرائے خارجہ علاقائی تناؤ کم کرنے اور مشرق وسطیٰ کی صورتحال پر مشاورت کے لیے اسلام آباد پہنچے ہیں
ویڈیو کلپ میں دیکھا جا سکتا ہے کہ اسحاق ڈار مہمانوں کا خیرمقدم کرتے ہوئے توازن کھو بیٹھے اور مختصر طور پر فرش پر گر گئے، تاہم وہ فوراً اٹھ گئے اور تقریب جاری رہی۔ خوش قسمتی سے انہیں کوئی شدید چوٹ نہیں آئی۔
اسحاق ڈار دفتر خارجہ میں مہمان وزرائے خارجہ کا استقبال کرتے ہوئے فرش پر گر گئے۔ pic.twitter.com/56UHtmnF0p
— Rizwan Ghilzai (Remembering Arshad Sharif) (@rizwanghilzai) March 29, 2026
پاکستانی وزارت خارجہ نے تصدیق کی ہے کہ وزرائے خارجہ گہرے مشوروں میں مصروف ہیں، اور یہ ملاقات ایران سے متعلق علاقائی کشیدگی کم کرنے کی کوششوں کا حصہ ہے۔
سوشل میڈیا پر یہ ویڈیو وائرل ہو گئی ہے، جس پر صارفین نے مختلف ردعمل ظاہر کیے ہیں، کچھ نے ہلکی پھلکی طنز و مزاح کیا اور کچھ نے وزیر خارجہ کی فٹنس اور فوری اٹھنے کی صلاحیت کی تعریف کی۔