امریکی ایوانِ نمائندگان میں ٹرمپ کے اختیارات محدود کرنے کی کوشش ناکام

ڈیموکریٹ کانگریس وومن ڈیبورا روس نے سوشل میڈیا پلیٹ فارم ‘ایکس’ (سابقہ ٹویٹر) پر ریپبلکنز کے اس اقدام پر کڑی تنقید کرتے ہوئے کہا کہ ایرانیوں کے خلاف جنگی جرائم کی ٹرمپ کی دھمکیوں کے بعد، ڈیموکریٹس نے ایک بار پھر ‘وار پاورز ریزولیوشن’ کے ذریعے اس تنازع کو روکنے کی کوشش کی، لیکن ریپبلکنز نے اسے بلاک کر دیا۔ کانگریس کی مداخلت کے بغیر ٹرمپ کسی جوابدہی یا حتمی نتیجے کے بغیر اس جنگ کو جاری رکھیں گے۔

ایوان میں ناکامی کے بعد اب سینیٹ کے ڈیموکریٹس نے اعلان کیا ہے کہ وہ اگلے ہفتے کانگریس کی واپسی پر اس معاملے پر نئے سرے سے ووٹنگ کے لیے دباؤ ڈالیں گے۔ ڈیموکریٹس کا موقف ہے کہ صدر ٹرمپ کانگریس کی منظوری کے بغیر ایران کے ساتھ کشیدگی بڑھا کر ملک کو ایک غیر ضروری جنگ کی طرف دھکیل رہے ہیں۔

یاد رہے کہ یہ تنازع اس وقت شدت اختیار کر گیا جب صدر ٹرمپ نے ایران کے حوالے سے سخت بیانات دیے، جنہیں ڈیموکریٹس بین الاقوامی قوانین اور امریکی آئین کی خلاف ورزی قرار دے رہے ہیں۔