تہران میں حزب اللہ کے حق میں نعرے

اسرائیل اور لبنان کے درمیان جنگ بندی کے بعد تہران میں حزب اللّٰہ کے حق میں بھرپور عوامی ردعمل سامنے آیا ہے۔

غیر ملکی میڈیا رپورٹس کے مطابق پاسدارانِ انقلاب ایران کی قدس فورس کے کمانڈر نے اپنے بیان میں کہا کہ لبنانی عوام اور خطے کے لوگ بخوبی جانتے ہیں کہ فیصلہ کن معرکے میں کامیابی حزب اللّٰہ کو حاصل ہوئی ہے۔

انہوں نے مزید کہا کہ اگر جنگ بندی برقرار رہتی ہے تو یہ لبنان کی مزاحمت کی ثابت قدمی اور ایران کی حمایت کا نتیجہ ہے۔

اس موقع پر تہران کے مرکزی علاقے میں ہزاروں افراد جمع ہوئے، جہاں انہوں نے حزب اللّٰہ کے حق میں اور اسرائیل کے خلاف نعرے لگائے، جبکہ ریلی میں مزاحمت کے حق میں جوش و خروش نمایاں رہا۔