ٹرمپ کے بیٹوں کی حمایت یافتہ کمپنی امریکی فوج کو ڈرونز فروخت کرے گی

امریکی ڈرون کمپنی پاورَس کے بانی نے کہا ہے کہ ان کی کمپنی امریکی فوج کو ڈرونز فروخت کرے گی، یوں ایرک ٹرمپ اور ڈونلڈ ٹرمپ جونیئر کی حمایت یافتہ کمپنی سے متعلق بلومبرگ کی رپورٹ کی تصدیق ہوگئی ہے۔
بلومبرگ کی رپورٹ کے مطابق امریکی فضائیہ نے فلوریڈا میں قائم اس کمپنی سے نامعلوم تعداد میں انٹرسیپٹر ڈرونز خریدنے پر اتفاق کیا ہے۔
پاورَس کے بانی بریٹ ویلیکووچ نے ایکس پر اپنی پوسٹ میں کہا کہ “یہ امریکی ڈرون برتری کا معاملہ ہے۔ ڈرون خطرہ حقیقی ہے—یہ اب موجود ہے۔ سستے ڈرونز روزانہ مہنگے دفاعی نظام کو شکست دے رہے ہیں اور امریکی فوجی خطرے میں ہیں۔
انہوں نے مزید کہا کہ “جدید جنگ کی معیشت بدل چکی ہے اور ہم اس کے مطابق خود کو ڈھالنے میں سست رہے ہیں۔ ہماری ٹیکنالوجی اس توازن کو دوبارہ بحال کرتی ہے۔ یہ امریکی جانیں بچانے کے بارے میں ہے۔