امریکی اتحادیوں کا نقصان ’ایرانی اکاؤنٹس سے حاصل کیے گئے فنڈز‘ سے پورا کیا جائے گا ، سیکریٹری خزانہ

واشنگٹن: امریکی سیکریٹری خزانہ سکاٹ بیسنٹ کا کہنا ہے کہ ایران کی جانب سے امریکی اتحادیوں کے خلاف کیے جانے والے کسی بھی نقصان کی قیمت ’ایرانی اکاؤنٹس سے حاصل کیے گئے فنڈز‘ سے ادا کی جائے گی۔

بیسنٹ نے ایکس پر ایک پوسٹ میں کہا کہ خلیجِ فارس میں آبنائے ہرمز اتھارٹی، ایران کی طرف سے قائم کیا گیا نیا ادارہ، کو ادا کیے جانے والے کسی بھی ٹول کی ’ایرانی فنڈز سے تلافی کی جائے گی۔

انھوں نے مزید کہا کہ ایران کی جانب سے کیا جانے والا ہر حملہ ان معاشی اور مالی نتائج کو مزید گہرا کرے گا جن کا اسے سامنا ہے۔

اس سے قبل آج ایران نے اردن، بحرین اور کویت میں امریکی مفادات پر حملوں کا ایک سلسلہ شروع کیا تھا۔ یہ حملے جنوبی ایران میں امریکی کارروائیوں کے بعد کیے گئے۔