خام تیل کی قیمتوں میں اضافہ۔ سپلائی کی بحالی پر خدشات برقرار

عالمی منڈی میں خام تیل کی قیمتوں میں اضافہ ریکارڈ کیا گیا ہے، جس کی بڑی وجہ سپلائی کی بحالی سے متعلق خدشات اور امریکہ ایران معاہدے کی غیر واضح تفصیلات ہیں۔

مارکیٹ ذرائع کے مطابق سرمایہ کاروں کو اس بات پر تشویش ہے کہ آبنائے ہرمز کے ذریعے ایندھن کی ترسیل کی بحالی میں توقع سے زیادہ وقت لگ سکتا ہے، جس کے باعث سپلائی متاثر ہونے کا امکان ہے۔

اس صورتحال میں برینٹ کروڈ فیوچرز 26 سینٹس یا 0.3 فیصد اضافے کے بعد 83.42 ڈالر فی بیرل تک پہنچ گئے، جبکہ امریکی ویسٹ ٹیکساس انٹرمیڈیٹ (WTI) خام تیل 46 سینٹس یا 0.3 فیصد اضافے کے بعد 81.12 ڈالر فی بیرل پر ٹریڈ کرتا رہا۔