امریکی حملے میں خوزستان کا شہر امیدیہ نشانہ بن گیا۔4افراد زخمی

ایرانی مہر نیوز ایجنسی نے دعویٰ کیا ہے کہ امریکی افواج نے ایران کے جنوب مغربی صوبے خوزستان کے شہر امیدیہ کو فضائی حملے میں نشانہ بنایا۔

ایجنسی نے ایک مقامی عہدیدار کے حوالے سے بتایا کہ حملے کے نتیجے میں کم از کم چار افراد زخمی ہوئے ہیں، جنہیں فوری طور پر طبی امداد فراہم کی جا رہی ہے۔

حکام کے مطابق حملے سے ہونے والے مالی اور جانی نقصان کا تخمینہ لگایا جا رہا ہے، جبکہ واقعے کی مزید تفصیلات تاحال جاری نہیں کی گئیں۔ اس دعوے کی آزاد ذرائع سے تصدیق نہیں ہو سکی۔