جنوبی ایران پر حالیہ حملوں میں 30 سے زائد شہری جاں بحق
متاثرہ خاندانوں سے اظہار تعزیت، ہر ممکن تعاون جاری رکھنے کے عزم کا اظہار۔
July 15, 2026 · بام دنیا
ایران کی حکومتی ترجمان فاطمہ مہاجرانی نے کہا ہے کہ ملک کے جنوبی علاقوں پر حالیہ حملوں میں 30 سے زائد شہری جاں بحق ہوئے ہیں۔
انہوں نے سوشل میڈیا پلیٹ فارم ایکس (X) پر جاری اپنے بیان میں جاں بحق افراد کے لواحقین سے تعزیت اور ہمدردی کا اظہار کرتے ہوئے کہا، “غمزدہ خاندانوں سے دلی تعزیت کرتے ہیں اور شہید ہونے والوں کی یاد کو خراجِ عقیدت پیش کرتے ہیں۔”
فاطمہ مہاجرانی نے مزید کہا کہ ایرانی حکومت ہر ممکن طریقے سے عوام کے ساتھ کھڑی رہے گی اور متاثرہ علاقوں کی ہر سطح پر مدد جاری رکھی جائے گی۔
انہوں نے اپنے بیان میں کہا کہ “جنوبی ایران اس سرزمین کا دھڑکتا ہوا دل ہے، اور حکومت اپنے عوام کا ساتھ نہیں چھوڑے گی۔