ایران کا شام میں امریکی کمانڈ سینٹر پر حملے کا دعویٰ

ایران کی اسلامی انقلابی گارڈ کو نے دعویٰ کیا ہے کہ اس نے شام میں واقع التنف فوجی اڈے پر موجود امریکی اسپیشل آپریشنز کے کمانڈ سینٹر کو نشانہ بنایا ہے۔

ایرانی خبر رساں ادارے تسنیم کے مطابق، آئی آر جی سی کا کہنا ہے کہ یہ حملہ ایران کے شہر ایرانشہر میں ایرانی فوجیوں کی ہلاکت کے جواب میں کیا گیا۔

آئی آر جی سی نے مزید دعویٰ کیا کہ ایران کو آبنائے ہرمز پر مکمل کنٹرول حاصل ہے اور جب تک امریکہ کی جانب سے نئے حملے جاری رہیں گے، اس اہم آبی گزرگاہ کے ذریعے تیل اور گیس کی کوئی برآمد نہیں ہونے دی جائے گی۔

آئی آر جی سی کے بیان میں اس اقدام کو امریکی کارروائیوں کے خلاف جوابی ردعمل قرار دیا گیا ہے۔