آبنائے ہرمز سے جہازوں کی آمدورفت تین ہفتوں کی کم ترین سطح پر

جہازوں کی نقل و حرکت پر نظر رکھنے والی ویب سائٹ میرین ٹریفک کے مطابق امریکہ اور ایران کے درمیان دوبارہ شروع ہونے والی لڑائی کے باعث آبنائے ہرمز سے گزرنے والے جہازوں کی تعداد گزشتہ تین ہفتوں کی کم ترین سطح پر آ گئی ہے۔

میرین ٹریفک کی تازہ رپورٹ کے مطابق جمعرات کے روز آبنائے ہرمز کے زیر نگرانی حصے سے صرف آٹھ جہازوں کی گزرگاہ کی تصدیق ہوئی، جبکہ اس سے ایک روز قبل یہ تعداد 15 تھی۔

رپورٹ میں مزید بتایا گیا کہ آٹھ میں سے سات جہاز ایرانی بحری راستے سے گزرے، جبکہ عمانی راستے سے کوئی جہاز نہیں گزرا۔ اس کے علاوہ نام نہاد شیڈو فلیٹ (Shadow Fleet) کی کسی بھی قسم کی نقل و حرکت بھی ریکارڈ نہیں کی گئی۔