“نہیں چاہتا یہ بائیڈن بن جائے”،بچے کو گرنے سے بچاتے ہوئے ٹرمپ کا دلچسپ جملہ

لاس ویگاس: امریکی صدر ڈونلڈ ٹرمپ نے ایک تقریب کے دوران ایک بچے کو اسٹیج سے گرنے سے بچاتے ہوئے سابق امریکی صدر جو بائیڈن پر طنزیہ تبصرہ کر دیا۔

غیر ملکی میڈیا کے مطابق یہ واقعہ ریاست نیواڈا کے شہر لاس ویگاس میں ایک تقریب کے دوران پیش آیا، جہاں صدر ٹرمپ نے خطاب کے دوران ایک جوڑے، سینڈرا اور بریڈ، کو اسٹیج پر مدعو کیا۔ دونوں اپنے دو کم عمر بچوں کے ہمراہ تقریب میں شریک تھے۔

رپورٹس کے مطابق گفتگو کے دوران ایک بچہ اسٹیج کے کنارے کی طرف بڑھا تو ڈونلڈ ٹرمپ نے فوری طور پر آگے بڑھ کر اسے گرنے سے بچا لیا۔

اس موقع پر ٹرمپ نے مزاحیہ انداز میں کہا، “میں نہیں چاہتا کہ یہ بائیڈن بن جائے اور اسٹیج سے گر پڑے۔”

"I don't want him to be Biden and fall off this stage."

President Trump stops a young child from wandering off the stage during an event in Las Vegas — quipping that he doesn't want a stumble like the former president's. pic.twitter.com/uzINpKxCyK

— Fox News (@FoxNews) August 5, 2026

یہ تبصرہ سابق صدر جو بائیڈن کے 2023 کے اس واقعے کی طرف اشارہ سمجھا جا رہا ہے، جب وہ امریکی فضائیہ کی اکیڈمی کی گریجویشن تقریب میں اسناد تقسیم کرتے ہوئے اسٹیج پر گر گئے تھے۔

واضح رہے کہ ڈونلڈ ٹرمپ ماضی میں بھی مختلف عوامی اجتماعات اور تقاریر کے دوران اپنے سیاسی مخالفین، خصوصاً جو بائیڈن، پر طنزیہ جملے کستے رہے ہیں۔