بلاول بھٹو کی منگنی یا شادی کی خبر بے بنیاد ہے،مرتضیٰ وہاب

پاکستان پیپلزپارٹی کے چیئرمین بلاول بھٹو زرداری کے ترجمان مرتضیٰ وہاب نے بلاول بھٹو کی منگنی یا شادی سے متعلق زیرِ گردش خبروں کی تردید کردی۔

مرتضیٰ وہاب نے اپنے بیان میں واضح کیا کہ بلاول بھٹو زرداری کی منگنی یا شادی سے متعلق سامنے آنے والی خبریں درست نہیں اور ان میں کوئی صداقت نہیں۔

انہوں نے کہا کہ چیئرمین پیپلزپارٹی کی شادی سے متعلق سوشل میڈیا اور دیگر ذرائع پر گردش کرنے والی اطلاعات بے بنیاد ہیں۔

ترجمان کا کہنا تھا کہ بلاول بھٹو زرداری کی منگنی یا شادی کے حوالے سے فی الحال ایسی کوئی خبر درست نہیں جس کی تصدیق کی جا سکے۔

واضح رہے کہ گزشتہ کچھ عرصے سے بلاول بھٹو زرداری کی نجی زندگی اور شادی سے متعلق مختلف قیاس آرائیاں سامنے آتی رہی ہیں، تاہم ان کے ترجمان نے حالیہ خبروں کو واضح طور پر مسترد کردیا ہے۔