لیاری میں مختلف جماعتوں کی ریلیاں سب سے بڑی ریلی پیپلز پارٹی نے نکالی

کراچی (اسٹاف رپورٹر ) انتخابی مہم آخری مرحلے میں داخل ہوچکی ہے، گزشتہ روز لیاری میں مختلف سیاسی پارٹیوں نے اپنے امیدواروں کے حق میں ریلیاں نکالیں ، سب سے بڑی ریلی پیپلز پارٹی کے مرکزی دفتر چاکیواڑہ سے نکالی گئی جس میں ہزاروں کی تعداد میں مرد و خواتین نے شرکت کی ، ریلی موٹر سائیکلوں ، گدھا گاڑیوں ، اور پید ل افراد پر مشتمل تھی۔ ریلی کی قیادت سینیٹر یوسف بلوچ ، سردار نبیل گبول، سندھ کے سینیئر نائب صدر راشد ربانی، نامزد رکن صوبائی اسمبلی حلقہ 108 عبد المجید بلوچ،پی ایس 107 جاوید ناگوری، پی ایس 109 کے رشید نورانی اور دیگر علاقائی رہنماؤں نے کی۔