کامیاب دورہ کے بعد قومی کھلاڑیوں کی واپسی شروع

کراچی(امت نیوز) آسٹریلیا اور مبابوے کرکٹ ٹیم کے خلاف تاریخی کارکردگی کا مظاہرہ کرنے والی پاکستان کرکٹ ٹیم کے کھلاڑیوں کی وطن واپسی شروع ہوگئی ہے۔ رپورٹ کے مطابق قومی ٹیم کے کپتان سرفراز احمد کراچی کے جناح انٹرنیشنل ایئرپورٹ پہنچے، جہاں شہریوں نے ان کا پرتپاک استقبال کیا۔اس موقع پر دو درجن کے قریب کرکٹ پرستار موجود تھے۔ جہاں سرفراز احمد کے حق میں نعرے بھی لگائے گے۔اس موقع پر میڈیا سے خصوصی انٹرویو میں سرفراز احمد کا کہنا تھا کہ دورہ کامیاب رہا جس پر خوشی ہے تمام کھلاڑیوں نے بھرپور محنت کی اور قومی ٹیم کامیاب رہی۔الیکشن سے متعلق سرفراز احمد کا کہنا تھا کہ انہیں نہیں معلوم کہ ان کے حلقے سے کون سے امیدوار کھڑے ہیں، عوام جسے بہتر سمجھتے ہیں اسے ووٹ ڈالیں۔دوسری جانب قومی ٹیم کے دیگر کھلاڑی مرحلہ وار وطن واپس پہنچیں گے۔جبکہ تمام کھلاڑیوں کی واپسی کا عمل کل تک مکمل ہوجائیگا۔