آج کی دعا

غسل سے پہلے
جب غسل کے ارادے سے غسل خانے میں جائیں تو داخل ہونے سے پہلے یہ دعا کریں کہ:
اَللّٰھُمَّ اِنّیِْ اَسْأَلُکَ الْجَنَّۃَ وَ اَعُوْذُبِکَ مِنَ النَّارِ۔
ترجمہ : یااللہ ! میں آپ سے جنت مانگتا ہوں اور دوزخ کی پناہ چاہتا ہوں ۔ (عمل الیوم و اللیلہ ، ابن السنی ص 85)
لباس اتارتے وقت
جب غسل یا کسی اور ضرورت کیلئے کپڑے اتارنے ہوں تو یہ کلمات کہیں:۔
بِسْمِ اللّٰہِ الَّذِیْ لَا اِلٰہَ اِلاَّ ھُوَ۔
(ترجمہ) اللہ کے نام سے جس کے سوا کوئی معبود نہیں۔
حدیث میںہے کہ اس طرح وہ برہنگی کی حالت میں شیطان کے شر سے محفوظ رہے گا۔
(عمل الیوم واللیلہ لابن السنی ص 74 )
کپڑے بدلتے وقت
جب کپڑے بدلنے لگے تو کپڑے پہن کر یہ کلمات کہنے چاہئیں:۔
اَلْحَمْدُ لِلّٰہ الَّذِیْ کَسَانِیْ ھٰذَا وَرَزَقْنِیْہِ مِنْ غَیْرِحَوْلٍ مِّنِّیْ وَلَا قُوَّۃٍ۔ (حصن حصین )
(ترجمہ) تعریف اللہ کی ہے جس نے مجھے یہ پہنایا اور میری کسی قوت اور طاقت کے بغیر مجھے عطا فرمایا۔
٭٭٭٭٭