آج کی دعا

اگر لیٹنے کے بعد نیند نہ آئے
اگر بستر پر لیٹنے کے بعد نیند نہ آئے تو یہ دعا پڑھیں:
اَللّٰھُمَّ غَارَتِ النُّجُوْمُ وَھَدَأَتِ الْعُیُوْنُ وَاَنْتَ حَیٌّ قَیُّوْمٌ لاَّ تَأْخُذُکَ سِنَۃٌ وَّلاَ نَوْمٌ، یَا حَیُّ یَا قَیُّوْمُ! اِھْدِیْٔ لَیْلِیْ وَاَنِمْ عَیْنِیْ
(حصن حصین)
ترجمہ: یااللہ! ستارے چھپ گئے اور آنکھیں پرسکون ہوگئیں، آپ حیّ و قیوم ہیں، آپ کو نہ اونگھ آتی ہے نہ نیند، اے حیّ و قیوم، میری رات کو پرسکون بنا دیجیے اور میری آنکھ کو نیند عطا فرما دیجیے۔
اگر سوتے ہوئے ڈر جائے
اگر سوتے ہوئے ڈر جائے یا کسی قسم کی گھبراہٹ یا دہشت ہو تو یہ تعوذ پڑھے:
اَعُوْذُ بِکَلِمَاتِ اللّٰہِ الّتَٓامَّۃِ مِنْ غَضَبِِہٖ وَعِقَابِہٖ وَشَرِّ عِبَادِہٖ وَمِنْ ھَمَزَاتِ الشَّیَاطِیْنِ وَاَنْ یَّحْضُرُوْنِ۔
(حصن حصین)
ترجمہ: میں اللہ تعالیٰ کے کلمات تامّہ کی پناہ لیتا ہوں اس کے غضب اور غصے سے اور اس کے عذاب سے اور اس کے بندوں کے شر سے اور شیاطین کے وسوسوں سے اور اس بات سے کہ وہ میرے پاس آئیں۔
٭٭٭٭٭