اسما الحسنیٰ-مشکلات کا حل

الخبیر جل جلالہ
ترجمہ: باخبر اور آگاہ
عدد: 812
خواص:
(1) جو سات دن متواتر اس اسم مبارک کا ورد کرے، اسے رب تعالیٰ کی طرف سے روحانیت نصیب ہوتی ہے جو مطلوبہ امور میں اس کی رہنمائی کرتی ہے۔
(2) جو نفس امارہ کے ہاتھ گرفتار ہو، کثرت سے اس کا ورد کرے،حق تعالیٰ نے چاہا تو نجات پائے گا۔
(3) استخارہ کے واسطے اکتالیس دن تک روزانہ تین سو بار ’’یَا خَبِیْرُ اَخْبِرْنِیْ‘‘ پڑھے پھر جب ضرورت پڑے تین سو بار پڑھ کر سوجائے، حق تعالیٰ نے چاہا تو نیک و بد حال کی اطلاع ہو جائے گی۔
(4) جو کسی موذی کے پنجہ میں گرفتار ہو، اس اسم کو بکثرت پڑھے، حق تعالیٰ نے چاہا تو خلاصی نصیب ہوگی۔
العظیم جل جلالہ
ترجمہ: بزرگی والا
عدد: 1020
خواص:
(1) جو کوئی حکمران سے خوفزدہ ہو وہ بارہ بار پڑھ کر اپنے اوپر دم کرے، حق تعالیٰ نے چاہا تو محفوظ رہے گا اور نرمی پائے گا۔
(2) اس کے بکثرت ذکر سے عزت نصیب ہوتی ہے اور
ہر مرض سے شفاء ملتی ہے۔
(3) جو سات دفعہ پانی پر پڑھ کر دم کر کے پانی پی لے، حق تعالیٰ نے چاہا تو اس کے پیٹ میں درد نہ ہوگا۔
(جاری ہے)
٭٭٭٭٭