آج کی دعا

کسی بیمار کے ساتھ کھاتے وقت
اگر کسی بیمار کے ساتھ کھانے کا اتفاق ہو تو کھانے کے شروع میںیہ کہے :
بِسْمِ اللہِ ثِقَۃً بِاللہِ وَتَوَکُّلًاعَلَیْہِ
(ترجمہ) اللہ کے نام سے اس پر بھروسہ اور اعتماد کرتے ہوئے (شروع کرتا ہوں)
(عمل الیوم واللیلۃ ص 124 )
جب کوئی درد محسوس ہو
جب جسم کے کسی حصے میں درد ہو، تو درد کی جگہ پر خود اپنا دایاں ہاتھ رکھ کر تین مرتبہ بسم اللہ پڑھے اور سات مرتبہ یہ دعا پڑھے۔
اَعُوْذُ بِعِزِّۃِ اللّٰہِ وَقُدْرتِہٖ مِنْ شَرِّ مَااَجِدُ وَاُحَاذِرُ(مسلم، موطا مالک)
ترجمہ: میں اللہ کی عزت و قدرت کی پناہ مانگتا ہوں اس (درد) کے شر سے جو میں محسوس کر رہا ہوں، اور جس سے مجھے خوف (تکلیف) ہے۔
جب کسی کے جسم پر زخم یا پھوڑا ہو
اگر کسی شخص کے جسم پر کوئی زخم یا پھوڑا پھنسی ہو تو اپنی شہادت کی انگلی پر تھوڑا سا لعاب لگا کر اسے زمین پر رکھا جائے، پھر اسے اٹھاتے ہوئے یہ کلمات کہے جائیں۔
بِسْمِ اللّٰہِ تُرْبَۃُ اَرْضِنَا بِرِیْقَۃِ بَعْضِنَا لِیُشْفٰی سَقَیْمُنَا(مسلم، حصن حصین مع حاشیہ)
ترجمہ: اللہ کے نام سے ہماری زمین کی مٹی ہم میں سے کسی کے لعاب سے مل کر (اللہ تعالیٰ کے حکم سے) ہمارے بیمار کی شفا کا سبب بنے گی۔
بعض علما نے فرمایا کہ زخم کی جگہ پر انگلی رکھ کر یہ الفاظ کہیں۔ (نووی شرح مسلم ص 223)