آج کی دعا

نیا کپڑا پہنتے وقت
اگر کپڑا نیا ہو تو یہ دعا کریں:
٭ اَللّٰھُمَّ لَکَ الْحَمْدُ کَمَا کَسَوْتَنِیْہِ، اَسْأَلُکَ خَیْرَہٗ وَخَیْرَ مَاصُنِعَ لَہٗ وَاَعُوْذُبِکَ مِنْ شَرِّہٖ وَشَرِّمَاصُنِعَ لَہٗ (حصن حصین )
(ترجمہ) اے اللہ! آپ ہی کی تعریف ہے، جیسے کہ آپ نے مجھے یہ لباس پہنایا، میں آپ سے اس کپڑے کی بھلائی مانگتا ہوں اور اس کام کی بھلائی مانگتا ہوں جس کیلئے یہ بنایا گیا اور اس کے شرسے پناہ مانگتا ہوں اور جس کام کیلئے بنایا گیا اس کی برائی سے پناہ مانگتا ہوں۔
یا یہ دعا پڑھے:
٭ اَلْحَمْدُ لِلّٰہِ الَّذِیْ کَسَانَیْ مَا اُوَارِیْ بِہٖ عَوْرَتِیْ وَاَتَجَمَّلُ بِہٖ فِیْ حَیَاتِیْ۔ (ایضاً)
(ترجمہ) تمام تعریفیں اللہ کی ہیں جس نے مجھے وہ لباس پہنایا، جس سے میں اپنی ستر پوشی کروں اور اپنی زندگی میں اس سے زینت حاصل کروں۔
جب دوسرے کو نیا کپڑا پہنا دیکھے
جب کسی مرد کو نیا لباس پہنے دیکھے تواسے یہ دعا دے:
٭ اِلْبَسْ جَدِیْدًا وَعِشْ حَمِیْدًا وَمُتْ شَھِیْدًا سَعِیْدًا۔ (ابن ماجہ، اذکار)
(ترجمہ) نیا لباس پہنو، قابل تعریف زندگی گزارو، اور (جب مرو) تو سعادت اور شہادت کی موت مرو۔
اور اگر نیا لباس پہننے والی عورت ہو تو کہے اَبْلِیْ وَاَخْلِقِیْ یہ لباس تم پہن کر پرانا کرو۔ (صحیح بخاری)
٭٭٭٭٭