سمر سیٹ کا کیوی آل رائونڈر کورے اینڈرسن سے دوبارہ معاہدہ

لندن (امت نیوز) انگلش کائونٹی کلب سمر سیٹ نے رواں برس شیڈول نیٹ ویسٹ ٹی ٹونٹی کرکٹ ٹورنامنٹ کیلئے دوبارہ کیوی آل رائونڈر کورے اینڈرسن سے معاہدہ کر لیا۔ اینڈرسن کو 13 ٹیسٹ، 49 ایک روزہ اور 29 ٹی ٹونٹی میچز میں ملک کی نمائندگی کا اعزاز حاصل ہے۔ اینڈرسن نے یکم جنوری 2014ء کو کالی آندھی کے خلاف میچ میں 36 گیندوں پر تیز ترین سنچری بنا کر عالمی ریکارڈ قائم کیا تھا تاہم ایک سال بعد جنوبی افریقن بلے باز اے بی ڈی ویلیئرز نے 31 گیندوں پر تیز ترین سنچری بنا کر ان سے عالمی ریکارڈ چھین لیا تھا۔