ملیر کے سرکاری اسکول میں خواتین اساتذہ سے لوٹ مار

کراچی (اسٹاف رپورٹر) ملیر چٹائی گراؤنڈ کے قریب واقع سرکاری اسکول میں 2مسلح ملزمان نے دھاوا بولتے ہوئے خواتین اساتذہ سے نقدی، زیورات، موبائل فون اور دیگر قیمتی سامان لوٹ لیا۔ تفصیلات کے مطابق ملیر سٹی کے علاقے چٹائی گراؤنڈ کے قریب واقع سرکاری گرلز اسکول میں ہفتے کی صبح 2 مسلح ملزمان نے دھاوا بولتے ہوئے اندر موجود خواتین ٹیچرز کو اسلحے کے زور پر غمال بنا کر زیورات، نقدی ،موبائل فون اور دیگر سامان لوٹ لیا۔ متاثرہ ٹیچرز نے تھانے میں درخواست جمع کروادی، ہے جس میں چھینے جانے والے سامان کی تفصیلات اور واقعے کی تفصیل درج کی گئی ہے۔ پولیس نے درخواست وصول کر کے تفتیش شروع کردی ہے ۔