بڑھاپا الاؤنس میں اضافے کا نوٹیفکیشن نہ ہونےسے پنشنرز پریشان

ٹیکسلا (نمائندہ امت)بڑھاپا الاؤنس میں اضافہ کا نوٹیفکیشن نہ ہونے کی وجہ سے پینشنرز کو پریشانی کا سامنا ہے، حکومت نے ای او آئی بی پنشنرز کی پنشن 5280روپے سے بڑھا کر 6500روپے کرنے کا اعلان کیا تھا۔ سماجی شخصیت رانا رشید احمد شاد اور مزدور رہنما جاوید قمر شاکرنے اعلیٰ حکام سے فوری طور پر نوٹیفکیشن جاری کرنے اور اس پر عمل درآمد کروانے کا مطالبہ کیا ہے تاکہ پنشنرز کی مشکلات میں کمی آسکے۔