روحانی نسخے-مشکلات کا حل

کھوئی ہوئی عزت نصیب ہو
پارہ 23، سورئہ یٰسین کی آیت نمبر 83 یعنی آخری آیت:
ترجمہ: ’’اس کی پاک ذات ہے، جس کے ہاتھ میں ہر چیز کا پورا اختیار ہے اور تم سب کو اسی کے پاس لوٹ کر جانا ہے۔‘‘
فائدہ: اگر آپ لوگوں کی نظروں سے گر گئے ہو اور چاہتے ہوں کہ آپ کی عزت قائم ہو جائے تو آپ مذکورہ آیت کو 11 دفعہ پڑھ کر اپنے اوپر پھونک لیں۔ حق تعالیٰ نے چاہا تو کامیاب ہوجائیں گے۔
اولاد دنرینہ اور حفاظت حمل کیلئے
پارہ 29، سورہ نوح کی آیت نمبر 12
ترجمہ: ’’اور تمہارے مال اور اولاد میں ترقی دے گا اور تمہارے لئے باغ لگا دے گا اور تمہارے لئے نہریں بہا دے گا۔‘‘
فائدہ: اگر آپ کے یہاں اولاد دنرینہ نہیں ہے تو حمل ٹھہرتے ہی نو مہینے تک 11 مرتبہ روزانہ پڑھیے۔ رزق کی تنگی کو دور کرنے کے لیے بھی اس دعا کو روزانہ سات مرتبہ پڑھیے۔
زوجین میں محبت نصیب ہو
پارہ 21، سورۃ الروم کی آیت نمبر 21
ترجمہ: ’’اور اسی کی نشانیوں میں سے ہے کہ اس نے تمہارے واسطے تمہاری جنس کی بیبیاں بنائیں تاکہ تم کو ان کے پاس آرام ملے اور تم میاں بیوی میں محبت اور ہمدردی پیدا کی، اس میں ان لوگوں کے لئے نشانیاں ہیں جو فکر سے کام لیتے ہیں۔‘‘
فائدہ: اگر آپ کو اپنی بیوی سے اختلاف ہے۔ آپس میں محبت نہیں ہے تو اس مذکورہ آیت کو 99 دفعہ پڑھ کر کسی میٹھی چیز پر تین دن دم کریں اور دونوں کھائیں۔
(جاری ہے)
٭٭٭٭٭