روحانی نسخے-مشکلات کا حل

کاروبار شروع کرنے سے پہلے
پارہ 21، سورۃ لقمان کی آیت نمبر 26
ترجمہ: ’’جو کچھ آسمانوں اور زمین میں موجود ہے، سب خدا ہی کا ہے اور بے شک خدا تعالیٰ بے نیاز ہے، سب خوبیوں والا ہے۔‘‘
فائدہ: رزق کی کشادگی اور کاروبار کی ترقی کے لیے یا نیا کاروبار شروع کرنے سے پہلے اس آیت کو روزانہ 141 دفعہ پڑھیں۔
بدن پر ناسور یا داغ ہو
پارہ 1، سورۃ البقرۃ کی آیت نمبر 71
ترجمہ: ’’(ہر قسم کے عیب سے) سالم ہو اور اس میں کوئی داغ نہ ہوا۔‘‘
فائدہ: اگر آپ کے بدن پر ناسور یا کوئی داغ دھبہ ہو تو 41 بار دوا یا مرہم پر پڑھ کر پھونکیں اور پھر استعمال کریں۔ حق تعالیٰ نے چاہا تو داغٖ دھبہ دور ہوجائے گا۔
جس کسی کو اولاد نہ ہوتی ہو
پارہ 25، سورۃ الشوریٰ کی آیت نمبر 49
ترجمہ: ’’خدا ہی کی ہے سلطنت آسمان اور زمین کی، وہ جو چاہتا ہے پیدا کرتا ہے، جس کو چاہتا ہے بیٹیاں عطا فرماتا ہے اور جس کو چاہتا ہے بیٹے عطا فرماتا ہے۔‘‘
فائدہ: جس کے ہاں اولاد نہ ہوتی ہو یہ دعا 133 مرتبہ پانی پر دم کر کے فجر کی نماز کے بعد دونوں میاں بیوی پئیں۔ (جاری ہے)
٭٭٭٭٭