جبری مذہبی تبدیلی کیخلاف ہیں،بھارت پروپیگنڈے سےبازرہے،گورنر

لاہور: گورنر پنجاب چوہدری سرور نےکہاکہ جبری مذہبی تبدیلی کی حمایت نہیں کی جا سکتی۔

تفصیلات کے مطابق سماجی رابطوں کی ویب سائٹ ٹویٹر پر بیان جاری کرتے ہوئے گورنر پنجاب چوہدری سرور کا کہناتھاکہ  ہم جبری مذہبی تبدیلی کے خلاف ہیں، ایسے واقعات کی روک تھام کے لیے حکومت کوشش کر رہی ہے۔

گورنر پنجاب نے دو ہندو لڑکیوں کی جبری مذہبی تبدیلی کے واقعے پر پڑوسی ملک کے پروپیگنڈے پر متنبہ کیا کہ بھارت ہمارے اندرونی معاملات میں مداخلت سے باز رہے۔

ہم جبری مذہبی تبدیلی کیخلاف ہیں. ہماری حکومت بھرپور کاوشیں کر رہی ہے کہ ان واقعات کو روکا جائے لیکن ہندوستان ہمارے اندرونی ایشوز میں مداخلت سے باز رہے. یہ ہمارے شہریوں اور حکومت کا اندرونی معاملہ ہے.

— Mohammad Sarwar (@ChMSarwar) March 24, 2019