ملک کا مستقبل نوجوانوں سے وابستہ ہے۔آرمی چیف

آرمی چیف جنرل قمر جاوید باجوہ نے آئی ایس پی آر کا دورہ کیا اور اس دوران انٹرشپ میں آئے طلبہ سمیت شرکا سے ملاقات کی اور نوجوان نسل پر بھرپوراعتماد کا اظہارکیا۔

آئی ایس پی آر میں جاری انٹرن شپ پروگرام میں شرکا سے خطاب کرتے ہوئے جنرل قمرجاوید باجوہ کا کہنا تھا کہ پاکستان کی نوجوان نسل بھرپور صلاحیتوں کی مالک ہے، ملک کا مستقبل نوجوانوں سے وابستہ ہے۔

COAS interacted with youth undergoing annual internship program at ISPR. “Pakistan is blessed with dynamic and talented youth and future of Pakistan belongs to them”, COAS. pic.twitter.com/UywMYJozAj

— DG ISPR (@OfficialDGISPR) July 31, 2019

آرمی چیف کا مزید کہنا تھا کہ امید ہے نوجوان نسل ملک کو حقیقی منزل کی طرف لے جانے میں اپنا کردار ادا کرے گی، گزشتہ دو ہائیوں سے پاکستان کو متعدد چیلنجز کا سامنا کرنا پڑا ، پاکستانی قوم اور مسلح افواج نے چیلنجز کا بھرپور مقابلہ کیا۔ چیلنجز سے نمٹنے کیلئے نوجوان نسل نے ہراول دستے کا کردار ادا کیا۔

جنرل قمر جاوید باجوہ نے نصیحت کرتے ہوئے نوجوانوں کو کہا کہ زندگی میں کامیابی کے لیے شارٹ کٹ نہ ڈھونڈیں، نوجوان نسل پر اعتماد رہے۔ میرٹ اور قانون کی حکمرانی پر یقین رکھیں۔