رمضان المبارک کا آغاز2 اپریل سے ہوگا۔ ماہر فلکیات نے بتا دیا

کویت سٹی:رمضان المبارک کا آغاز اپریل میں ہوگا لیکن اب کویت کے ماہر فلکیات عادل المرزوق نے 2 اپریل بروز ہفتے کو اس بابرکت مہینے کے آغاز کی پیش گوئی کردی۔

کویتی میڈیا کے مطابق ماہر فلکیات المرزوق نے وضاحت کی کہ اگر آسمان صاف اور بادلوں یا گرد و غبار سے پاک ہوا تو ماہ رمضان کا چاند جمعہ کی پہلی اپریل کو نظرآئے گا۔چاند کی پیدائش کویت کے مقامی وقت کے مطابق یکم اپریل بروز جمعہ صبح نو بج کر 25 منٹ پر ہوگی اور غروب آفتاب کے تقریباً 15 منٹ بعد آسمان پر رہے گا۔

ماہر فلکیات نے یکم اپریل بروز جمعہ رمضان المبارک کا چاند نظر آنے کی تصدیق کے نتیجے میں متعدد وجوہات کا تذکرہ کیا۔انہوں نے کہا کہ ان دنوں رجب کے مقدس مہینے کا آغاز ہو چکا ہے اور اس میں سے کئی دن گزر چکے ہیں جس کا مطلب یہ ہے کہ رمضان المبارک کے بابرکت مہینے میں صرف ایک مدت باقی ہے جو دو مہینے سے بھی کم ہے۔ قوی امکان ہے کہ اس سال شعبان کا مہینہ 29 دن کا ہو گا۔

کویتی ماہر فلکایت کے مطابق چاند کی ولادت جمعہ کی صبح یکم اپریل 2022 کو ریاست کویت کے مقامی وقت کے مطابق صبح 9:25 بجے ہو گی جبکہ ہلال کی پیدائش بین الاقوامی وقت کے مطابق اس دن کی صبح (6:25) پر ہوگی۔