ارجنٹائن کو ورلڈ کپ جیتنے پر 4کروڑ 20لاکھ ڈالر ملیں گے

دوحہ(امت نیوز)فیفا فٹ بال ورلڈ کپ 2022 کی فاتح ارجنٹینا کو فائنل جیتنے پر 4کروڑ 20 لاکھ ڈالر ملیں گے ۔فائنل میں ہارنے والی ٹیم  فرانس کو فیفا کی جانب سے  تین کروڑ ڈالر دیئے جائیں گے

یہ ساری انعامی رقم کھلاڑیوں میں تقسیم نہیں ہوتی تاہم  انہیں اس کا ایک بڑا حصہ ملنے کی امید ہوتی ہے۔

رواں برس ورلڈ کپ کھیلنے والی ہر ٹیم کی فیڈریشن کو کم از کم 90 لاکھ ڈالر کی انعامی رقم ملے گی اور ٹورنامنٹ کی تیاریوں کے اخراجات کی مد میں 15 لاکھ ڈالر علیحدہ سے ملیں گے۔

ٹورنامنٹ میں تیسرے نمبر پر آنے والے کروشیا کو انعامی رقم کی مد میں دو کروڑ 70 لاکھ ڈالر ملیں گے جبکہ چوتھے نمبر پر رہنے والی مراکش کی ٹیم کو دو کروڑ 50 لاکھ ڈالر ملیں گے۔

فیفا کا گزشتہ چار برسوں سے ٹوٹل ریونیو سات ارب 50 کروڑ ڈالر رہا ہے، جس میں زیادہ بڑا حصہ براڈکاسٹ اور سپانسر شپ ڈیلز کا ہے۔