فرانسیسی فٹبالر امباپے کا ارجنٹائن سے شکست کے بعد پہلا ردعمل

کراچی(امت نیوز)فرانس کے اسٹار فٹبالر کیلیان امباپے نے ورلڈکپ فائنل میں ارجنٹینا کے ہاتھوں ڈرامائی شکست کے بعد پہلی بارردعمل ظاہر کیا ہے۔   فائنل میں شکست کے بعد امباپے کے چہرے سے تو مایوسی ظاہر ہورہی تھی مگر زبان سے انہوں نے کچھ نہیں کہا

پہلی بار انہوں نے ردعمل کے طور پر ٹوئٹ کیا ہے جس میں انہوں نے فرانسیسی زبان میں لکھا Nous reviendronsجس کا مطلب ہے ہم واپس آئیں گے

امباپے نے ورلڈکپ فائنل میں ہیٹ ٹرک کی تھی اور ایونٹ کے اختتام پر گولڈن بوٹ جیتنے میں کامیاب ہوئے۔

امباپے ایک ورلڈ کپ میں سب سے زيادہ 8 گول کا ریکارڈ برابر کرنے میں کامیاب رہے۔

اس سے قبل 2018 کے ورلڈکپ فائنل میں بھی انہوں نے گول کیا تھا۔