تحریک انصاف پرپابندی عائد کرنے کا منصوبہ تیار ہے ، عمران خان

لاہور: چیئرمین پاکستان تحریک انصاف عمران خان کا کہنا ہے کہ پی ٹی آئی کے تقریباً 7 ہزار قائدین، کارکن اور خواتین کو جیلوں میں ٹھونس دیا گیا، یہ تحقیق تک نہیں کی گئی کہ سرکاری عمارتوں کو نذرآتش کرنےمیں کون ملوث تھا۔

عمران خان نے اپنے بیان میں کہا کہ پاکستان کی سب سےبڑی اور واحد سیاسی جماعت پر پابندی عائد کرنے کا منصوبہ تیار ہے۔

عمران خان نےحکومت پر تنقید کرتے ہوئے کہا کہ سپریم کورٹ پر قبضہ جمانے اور دستور کو پیروں تلے روندنے میں غنڈوں کی سہولت کاری کی جا رہی ہے۔

So without any investigation into who was responsible for arson on government building or dozens of deaths of unarmed protesters by bullet wounds , around 7000 PTI workers , leadership and our women have been jailed with plans to ban the largest and only federal party in Pak .… pic.twitter.com/7p8uiPaYhc

— Imran Khan (@ImranKhanPTI) May 15, 2023

اُنہوں نے شہریوں سے مطالبہ کیا کہ تمام شہری پُرامن احتجاج کے لیے تیار رہیں کیونکہ اگر عدالتِ عظمٰی اور آئین کو تباہ و تاراج کردیا گیا تو تصوّرِ پاکستان ہی دم توڑ دے گا۔

عمران خان نے مزید کہا کہ قوم بھرپور پُر امن احتجاجی تحریک کے لیے تیار رہے۔