90 برس کی عمر میں 5ویں شادی کرنیوالے شخص کا نوجوانوں کو مشورہ

جمعرات 13 جولائی 2023, 7:19 شام بام دنیا

ریاض (نیٹ نیوز) سعودی عرب میں معمر ترین دُلہا سامنے آگیا ہے، جس کی شادی کے چرچے سوشل میڈیا ہو رہے ہیں، ناصر بن دحیم بن وھق المرشدی العتیبی نے 90 سال کی عمر میں پانچویں مرتبہ شادی کرلی ہے۔

معمر ترین دلہے کی شادی کی خبر سوشل میڈیا پر جنگل میں آگ کی طرح پھیل گئی ہے، ان کے پوتے نے ویڈیو پوسٹ کرتے ہوئے کہا کہ ”میرے دادا کو یہ شادی مبارک ہو، یہ شادی ان کے لیے خوشحالی اور اولاد لائے۔“

شادی سے متعلق معمر دلہے نے عرب میڈیا کے مارننگ شو میں بات کرتے ہوئے کہا کہ اس بڑھاپے میں سُنت پر عمل کرتے ہوئے کی ہے، جس کی وجہ سے اسلام کی حفاظت ہوتی ہے اور شادی خدا کا ایک فضل ہے۔

90 برس کی عمر میں پانچویں شادی رچانے والے معمر ترین سعودی دلہا نے کنوارے نوجوانوں کا کیا مشورہ دیے، ویڈیو دیکھیےhttps://t.co/laYvvZpxUy pic.twitter.com/da0hb4WE3w

— العربیہ اردو (@AlArabiya_Ur) July 13, 2023

مارننگ شو میں جب میزبان نے سوال کیا کہ آج کے دور میں شادی کا نام سُن کر ہی نوجوان گھبرا جاتے ہیں لیکن آپ نے اِس عمر میں شادی کیوں کی؟ ناصر نے مسکراتے ہوئے جواب دیا کہ میں دوسری، تیسری شادی کرنا چاہتا ہوں، جوانسان کے لئے راحت کا باعث ہے جس میں ذندگی کا لطف ہے۔

ناصر بن دحیم شادی سے انکار کرنے والے نوجوانوں کو مشورہ دیتے ہوئے کہا کہ اپنے دین اور دنیا کے متاع کی حفاظت چاہتے ہو، تو شادی کر لو، میں اپنی ذندگی میں خوش ہوں کیونکہ شادی ایک جسمانی سکون ہے۔

ان کا مزید کہنا ہے کہ بڑھاپا شادی کو نہیں روکتا سکتا ہے، میرے 4 بچے ہیں جبکہ ایک بیٹا دنیا سے رخصت ہوگیا ہے۔ میرے بچوں کی بھی اولادیں ہیں لیکن میں اپنی مزید بچوں کا خواہشمند ہوں۔