کابل،طالبان ملٹری کی گاڑی دھماکے میں تباہ؛ 6 اہلکارہلاک،8 زخمی

کابل: افغانستان کے شہر فیض آباد میں سڑک کنارے کھڑی موٹرسائیکل میں دھماکے سےطالبان ملٹری کی گاڑی تباہ،6 اہلکار ہلاک،8 زخمی ہوگئے۔

عالمی خبر رساں ادارے کے مطابق موٹر سائیکل میں بارودی مواد بھرا ہوا تھا جسے ریموٹ کنٹرول ڈیوائس کے ذریعے اُڑایا گیا۔ دھماکا اتنا زور د ار تھا کہ طالبان ملٹری کی گاڑی مکمل طور پر تباہ ہوگئی۔

تاحال کسی شدت پسند گروپ نے حملے کی ذمے داری قبول نہیں کی تاہم طالبان کے 2021 میں اقتدار سنبھالنے کے بعد سے فوجی قافلوں، امام بارگاہوں اور حکومتی دفاتر پر حملوں میں داعش خراسان ملوث رہی ہے۔

دھماکے کے بعد جائے وقوعہ پر ہر طرف انسانی اعضا بکھر گئے۔ 3 اہلکار موقع پر ہی ہلاک ہوگئے جبکہ 10 سے زائد زخمی ہیں۔ ہلاک اور زخمی ہونے والوں کو قریبی اسپتال منتقل کردیا گیا۔

جہاں مزید 3 زخمیوں نے دوران علاج دم توڑ دیا جس کے نتیجے میں ہلاکتوں کی مجموعی تعداد بڑھ کر 6 ہوگئی۔ 2 زخمیوں کی حالت نازک بتائی جا رہی ہے۔ طالبان نے علاقے کا محاصرہ کرکے سرچ آپریشن شروع کردیا۔

طالبان نے علاقے کا محاصرہ کرکے سرچ آپریشن شروع کردیا،فائل فوٹو