انڈونیشیا :سیلاب اور لینڈسلائیڈنگ سے اموات کی تعداد 50 ہوگئی

 

جکارتہ ( اُمت نیوز ) انڈونیشیا کے مغربی صوبے سماٹرا میں شدید بارشوں کے نتیجے میں سیلاب اور لینڈ سلائیڈنگ سے اموات کی تعداد 50 تک جاپہنچی اور مختلف حادثات میں 36 افراد شدید زخمی ہوئے ہیں جبکہ 27 افراد تاحال لاپتا ہیں۔

 

خبررساں ادارے کے مطابق نیشنل ڈیزاسٹر منیجمنٹ ایجنسی (بی این پی بی) کی رپورٹ میں کہا گیا ہے کہ انڈونیشیا میں سیلابی صورتحال کے بعد آتش فشاں پھٹ گیا جس سے مختلف اضلاع میں تباہی مچ گئی۔

اس رپورٹ میں بتایا گیا کہ انڈونیشیا کے صوبے سماٹرا میں طوفانی بارشوں اور سیلاب سے متعدد گھروں اور مساجد میں سیلابی پانی داخل ہونے سے شدید نقصان پہنچا اور گزشتہ روز مزید 6 افرادجان کی بازی ہارگئے ، جس سے ان حادثات میں ہلاک ہونے والوں کی تعداد 50 تک جاپہنچی۔

رپورٹ کے مطابق لینڈسلائیڈنگ اور سیلاب سے مختلف حادثات میں 36 افراد شدید زخمی ہوئے ہیں جس سے اموات میں اضافے کا خدشہ ظاہرکیا جارہا ہے، سیلاب سے متاثرہ علاقوں سے 3 ہزار 396 افراد کو بحفاظت نکال کر محفوظ مقام پر منتقل کردیا گیا ہے۔

ایجنسی کے ترجمان کا کہنا تھا کہ 27 افراد اب تک لاپتا ہیں جن کی تلاش کے لیے ریسکیو آپریشن جاری ہے تاہم لاپتہ افراد کے سرچ آپریشن کے لیے جلد از جلد بھاری مشینری کی ضرورت ہے۔

جواب دیں

آپ کا ای میل ایڈریس شائع نہیں کیا جائے گا۔