تہران : موساد کے8 جاسوس اور خفیہ ڈرون اڈا پکڑا گیا

تہران: ایران میں اسرائیلی خفیہ تنظیم موساد کے جاسوسوں اور ڈرون کا خفیہ ڈرون اڈا پکڑا گیا۔

ایرانی میڈیا کے مطابق دارالحکومت تہران میں سیکیورٹی فورسز نے انٹیلی جنس معلومات کی بنیاد پر سیکیورٹی اداروں کی ایک کارروائی میں ڈرونز سے لدا ایک منی ٹرک پکڑا گیا۔ ٹرک میں سے 8 ڈرونز برآمد ہوئے ہیں جو پشوا کے علاقے میں بنائی گئی ایک خفیہ فیکٹری سے ڈرونز لیکر نامعلوم مقام پر جا رہا تھا۔

یاد رہے کہ 4 روز قبل بھی اسرائیلی خفیہ ایجنسی موساد کے ایران میں بنائی گئی ایک ڈرون فیکٹری کا بھی انکشاف ہوا تھا۔

ایران کی سیکیورٹی فورسز نے ایک آپریشن کے دوران موساد کے 8 ایجنٹوں کو بھی گرفتار کرنے کا دعویٰ کیا ہے۔جن میں سے ایک جاسوس نے گرفتاری سے بچنے کے لیے سائائیڈ کا کیپسول کھا کر خودکشی کی ناکام کوشش بھی کی۔

تاحال گرفتار ملزمان کی شناخت ظاہر نہیں کی گئی تاہم ان سے نامعلوم مقام پر تفتیش کی جا رہی ہے۔

خیال رہے کہ اسرائیل نے ایران پر حملہ کرکے ٹاپ رینک ملٹری آفیسرز اور ایٹمی سائنسدانوں کو شہید کردیا تھا۔