غزہ میں اسرائیل کے وحشیانہ حملے جاری، مزید 51 فلسطینی شہید

غزہ میں اسرائیل کے وحشیانہ حملے تاحال جاری ہیں۔ گزشتہ 24 گھنٹوں میں مزید 51 فلسطینی شہید اور 104 زخمی ہوگئے ہیں۔

عرب میڈیا کے مطابق اسرائیل نے پناہ گزین کیمپوں اور گھروں کو نشانہ بنایا۔ غزہ میں شہدا کی مجموعی تعداد 55 ہزار 969 ہوگئی ہے۔

جبکہ ایک لاکھ اکتیس ہزار دو سو بیالیس فلسطینی زخمی ہو چکے ہیں۔

دوسری جانب ورلڈ سینٹرل کچن نے چھ ہفتوں سے زائد کی معطلی کے بعد آپریشن دوبارہ شروع کرنے کا اعلان کردیا ہے۔