اسرائیل نے ایک مہینے پر چھٹے عرب ملک پر حملہ کیا، الجزیرہ ٹی وی

دوحہ: قطر پر حملے کے ساتھ اسرائیل کی طرف سے رواں ماہ کے دوران نشانہ بنائے گئے عرب ممالک کی تعداد6 ہوگئی۔

الجزیرہ کے مطابق اسرائیل کی بڑھتی ہوئی عسکری کارروائیوں نے پورے خطے کو اپنی لپیٹ میں لے لیا ہے۔ تازہ ترین پیش رفت میں دوحہ پر حملہ اسرائیلی فوجی مہم کے مسلسل پھیلاؤ کو اجاگر کرتا ہے۔

گزشتہ کئی ہفتوں سے اسرائیل روزانہ کی بنیاد پر فلسطین کے غزہ پر بمباری کر رہا ہے، جبکہ لبنان، شام اور یمن میں بھی باقاعدگی سے فضائی حملے جاری ہیں۔

کل ایک مشتبہ اسرائیلی ڈرون نے تیونس میں لنگر انداز ایک غزہ جانے والے امدادی بیڑے کو بھی نشانہ بنایا۔

اس طرح گزشتہ ایک ماہ کے دوران اسرائیل نے کم از کم چھ عرب ممالک میں کارروائیاں کی ہیں، جس سے خطے میں کشیدگی مزید بڑھ گئی ہے۔