ایشیائی اسٹاک مارکیٹس میں مندی۔ ابتدائی کاروبار منفی رجحان کا شکار

جمعہ کے روز ایشیائی اسٹاک مارکیٹس نے ابتدائی کاروبار میں کمی کے ساتھ آغاز کیا، جبکہ اس سے قبل امریکی اسٹاک مارکیٹ میں ریکارڈ سطح تک اضافہ دیکھا گیا تھا۔
جاپان کا نکّی انڈیکس ابتدائی اوقات میں 1 فیصد کمی کے ساتھ ٹریڈ کر رہا ہے، جبکہ ہانگ کانگ کی اسٹاک مارکیٹ بھی 0.69 فیصد نیچے آ گئی ہے۔

امریکی مارکیٹ نے اس سے قبل اضافہ برقرار رکھا تھا، جب ٹرمپ انتظامیہ نے ایران کے ساتھ معاہدے کے امکانات پر امید ظاہر کی اور امریکی صدر ٹرمپ نے کہا کہ ایران کے ساتھ دوبارہ مذاکرات اس ہفتے کے آخر میں شروع ہو سکتے ہیں۔

جنوبی کوریا کا کوسپی انڈیکس 0.46 فیصد کمی کے ساتھ کھلا، جبکہ تائیوان کا تائی ایکس 0.80 فیصد نیچے رہا۔

شنگھائی اسٹاک ایکسچینج بھی جمعہ کو 0.23 فیصد کمی کے ساتھ کھلا۔