نیتن یاہو کی عدالتی گواہی سماعت سے ایک گھنٹہ قبل منسوخ

اسرائیلی وزیراعظم نیتن یاہو کی کرپشن کیس میں طے شدہ گواہی آج جنگ کے باعث طویل وقفے کے بعد دوبارہ شروع ہونے والی تھی، تاہم سماعت سے تقریباً ایک گھنٹہ قبل اسے منسوخ کر دیا گیا۔
اسرائیلی میڈیا کے مطابق یہ فیصلہ سکیورٹی وجوہات کی بنیاد پر ان کے وکیل کی درخواست پر کیا گیا۔
یہ گواہی نیتن یاہو کے طویل عرصے سے جاری اور بار بار ملتوی ہونے والے فوجداری مقدمے کا حصہ تھی، جس میں انہیں رشوت، دھوکہ دہی اور اعتماد کی خلاف ورزی جیسے الزامات کا سامنا ہے۔