بھارت میں پٹرول اور ڈیزل پھر مہنگا۔ رواں ماہ تیسرا اضافہ

بھارت میں ریاستی ملکیت رکھنے والے فیول ریٹیلرز نے رواں ماہ تیسری بار پٹرول اور ڈیزل کی قیمتوں میں اضافہ کردیا ہے، یہ اضافہ ایران کے گرد جاری جنگ سے جڑی عالمی قیمتوں کے دباؤ کے باعث کیا گیا ہے۔

نئی قیمتوں کے مطابق نئی دہلی میں پٹرول کی قیمت 0.87 روپے اضافے کے بعد 99.51 روپے فی لیٹر (تقریباً 1.04 ڈالر) ہوگئی ہے، جبکہ ڈیزل کی قیمت 0.91 روپے بڑھ کر 92.49 روپے فی لیٹر (تقریباً 0.97 ڈالر) تک پہنچ گئی ہے۔

رپورٹ کے مطابق بھارت ان بڑی معیشتوں میں شامل ہے جنہوں نے ایران جنگ کے باعث عالمی سطح پر پیدا ہونے والے توانائی بحران کے بعد نسبتاً دیر سے ریٹیل فیول قیمتوں میں اضافہ کیا۔

تین بار اضافے کے بعد مجموعی طور پر پٹرول کی قیمت میں تقریباً 5 روپے فی لیٹر اضافہ ہوچکا ہے، جس سے ٹرانسپورٹ اور مہنگائی پر مزید دباؤ بڑھنے کا خدشہ ظاہر کیا جا رہا ہے۔